Tuesday , 13 November 2018

خۆپیشاندانێک بە مەبەستی پشتیوانیی هێزی پێشمەرگە لە لەندەن بەڕێوەچوو

کوردستان میدیا:کوردانی دانیشتووی لەندەن لە خۆپیشاندانێکدا پاڵپشتیی خۆیان لە هێزەکانی پێشمەرگەی کوردستان لە هەرێمی کوردستان راگەیاند.

بەپێی راپۆرتی کوردستان میدیا، کوردانی دانیشتووی شاری لەندەن پایتەختی بریتانیا، رۆژی یەکشەممە رێکەوتی ٨ی پووشپەڕی ١٣٩٣ی هەتاوی، بە هاوکاریی حیزبە کوردستانییەکان، خۆپیشاندانێکیان بە مەبەستی پشتگیری لە ئەزموونی هەرێمی کوردستان و هێزی پێشمەرگەی کوردستان بەڕێوەبرد.

لەو خۆپیشاندانەدا کەلە ناوەندی شاری لەندەن بەڕێوەچوو، ئەندامانی حیزبی دێموکراتی کوردستانی ئێران بەشدارییان تێدا کرد و پاڵپشتیی خۆیان لە هێزی پێشمەرگەی کوردستان راگەیاند.

پاش هێرشی هێزە چەکدارەکانی رێکخراوی دەوڵەتی ئیسلامی لە عێراق و شام ناسراو بە داعش بۆسەر هێزەکانی سپای عێراق و کشانەوەی ئەو هێزانە، هێزی پێشمەرگەی کوردستان ناوچە دابڕاوەکانی هەرێمی کوردستانی وەرگرتەوە.

بابەتی پەیوەندیدار

ڕێفراندۆم

رۆژی دوشەممە رێکەوتی ١٣ خەرمانانی ١٣٩٦ هەتاوی بەرامبەر بە ٤ سێپتامبر ٢٠١٧ زایینی،نوێنەرانی ‌حیزبەکانی هەر‌چوار ...