Tuesday , 13 November 2018

یەکێتی لاوان

بەڕێوەچوونی کۆنفرانسی لاوانی دیمۆکراتی کوردستانی ئێران لە وڵاتی بریتانیا بۆ هەڵبژاردنی نوێنەر بۆ نۆهەمین کۆنگرەی یەکیەتیی لاوانی دیمۆکراتی کوردستانی ئێران

رێکەوتی ٢٩/٥/٢٠١٨ بە بەشداری بەڕێزان جەلال رەوانگەرد بەرپرسی هەیئەتی ئامادەکاری کۆنگرە بە شێوەی ئانلاین و رامبود لوتف پوری بەرپرسی کومیتەی حیزبی دیمۆکراتی کوردستانی ئێران لە بریتانیا و نوێنەری لیژنەی چاوەدێری لاوان و هانا مورادوەیسی نوێنەری یەکیەتیی لاوان لە بریتانیا و لیژنەی هەڵبژاردنی لاوان ، کاتژمێر ٣ی ئێوارە بە هەر دوو رێگەی ئونلاینی و حوزووری کۆنفڕانسێک بەڕێوە چوو .

سەرەتا هەرکام لە بەڕێزان جەلال رەوانگەرد و رامبود لوتفپوری باسێکیان پێشکەش بە ئامادەبووان کرد و دواتریش هەندێک لە بەشدابووان را و سەرنجی خۆیان خستە روو. هەڵبژاردن بۆ نوێنەری کۆنگرە بڕگەیەکیتری کۆبوونەوەکە بوو کە لەو هەڵبژاردنەدا بەشێک لە هاوڕێیان بە شێوەی ئونلاین و
هەندێکیش حوزووری بەشدارییان تێدا کرد ، هەر دوو بەڕێزان لەیلا ئەحمەدی و عەبدوڵرەحمان مەحموودی وەک نوێنەری لاوانی دیمۆکراتی کوردستانی ئێران لە بریتانیا بۆ بەشداری لە کۆنگرەی ٩ی یەکیەتیی لاوان لە کوردستان هەڵبژێردران .

دوایین بڕگەی کۆنفڕانس بریتی بوو لە دیاریکردنی لیژنەیەکی ئامادەکار بۆ رێکخستنەوەی کومیتەی لاوان لە بریتانیا. لەم بەشەدا لێژنەیەک پێکهاتوو لە بەڕێزان : هانا مرادوەیسی ، لەیلا ئەحمەدی ، نیهاد گەیلانی دیاری کرا کە تا ٢ مانگی داهاتوو هەوڵ بدەن ئەندامان کۆ بکەنەوە و بە شێوەی حوزووری کۆنفرانسێک بۆ هەڵبژاردنی دەستەی بەڕێوەبەری کومیتەی لاوان لە بریتانیا و نوێکردنەوەی ئەو کومیتەیە بەڕێوە ببەن.

کۆنفرانس پاش ٣ کاتژمێر کاری بەردەوام کۆتایی بە کارەکانی هێنا.

 

بابەتی پەیوەندیدار

٢٥ی گەلاوێژ

جێژنی سەرهەڵدان رۆژی یەک شەممە ۲۸ی گەلاوێژ،بە بۆنە ۷۳هەمین ساڵوەگەری دامەزراندنی حیزبی دێمۆکراتی کوردستانی ئێران،ئەندامان ...